बुधनगर। मोरङको जहदा गाउँपालिका वडा नं. १ बुधनगरमा बि.आइ.सी. नेपाल र जय किसान कृषि सहकारी संस्था लिमिटेडले राहत सामग्री सहयोग गरेको हो। बिगत २ दिन देखि आएको अविरल बर्षाका कारण जहदा-१ को अवस्था निकै दयनीय रहेको छ।

अरिवल वर्षाले गर्दा उच्च जोखिममा परेका ४० घरपरिवारलाई बि.आइ.सी. नेपाल र जय किसान कृषि सहकारी संस्था लिमिटेडले सहयोग गरेको हो। घरमा चुलो समेत नजलेको त्यसता व्यक्तिहरुलाई तत्काल जीवन यापन गर्नको लागि भुजा, चुरा, चाउचाउ लगायतको खाद्यान्न सामग्री जहदा-१ का वडा अध्यक्ष बाबुराम राजबन्शी ज्युको उपस्थितिमा बितरण गरिएको भनेर जय किसान कृषि सहकारी संस्था लि को व्यवस्थापक बुद्ध देव यादव ले जानकारी दिए।

उक्त सहकारी संस्था समाजिक कार्यमा तथा कृषि क्षेत्रमा काम गर्दे आएको संस्था हो।