जहदा – मोरङ को जहदा गाउँपालिका मा आज सब भन्दा बढि १७ जना कोरोना संक्रमित थपिएका छन्। संक्रमित मध्ये १२ जना पुरुष र ५ जना महिला रहेको जहदा स्वास्थ्य शाखाले जनाएको छ। जहदा-३ का २ जना :- ३२ र ३५ वर्षिय पुरुष, जहदा-४ का २ जना :- एक जना ३६ वर्षिय पुरुष र एक जना ६२ वर्षीय महिला, जहदा-५ को २ जना :- ३० वर्षीय पुरुष र ५० वर्षीय महिला, जहदा-६ को ८ जना :- ३४, २९, ५६, ३३ वर्षीय गरी ४ पुरुष र ८, २८, २६, ३५ वर्षीय गरि ४ जना महिला थपिएका छन्। जहदा बाट कण्टेक्ट ट्रेसिंग गरि बिराटनगर का समेत ३ जना :- ६९,४७,४० वर्षीय पुरुष समेत कोरोनापोजिटिभ आएको जहदा स्वास्थ्य अधिकृत राजकुमार दासले जानकारी दिनुभयो।

३८ जना पुरुष र १६ जना महिला गरि जहदाको कुल कोरोना संक्रमितको संख्या ५४ रहेको छ। १८ जना निको भएर घर फर्किसकेका छन् जसमध्ये ११ जना पुरुष र ७ जना महिला रहेको छ। ३५ जना अहिले पनि कोरोना पोजिटिभ छन् जसमध्यॆ ३२ जना (२३ जना पुरुष र ९ जना महिला) होम क्वारेन्टाइनमा, २ जना कोभिड अस्पताल र एक जना बिराटनगरमा रहेको अधिकृत दासले बताउनु भयो। जहदामा पहिलो पटक हिजो मात्र एक जना कोरोना संक्रमितको मृत्यु भएको थियो।