जहदा। सन्थाल जातीहरुको महान पर्व पौराणिक काल देखि चलिआएको सोहराय पर्वले उत्साह छाहेको छ। मोरङ र झापामा जिल्लामा बसोवास रहेको सन्थाल जातीहरुको आफ्नो छुट्टै भेषभुषा, परम्परा र पहिचान रहेको छ। सोहराय पर्व ६ दिन सम्म मनाइने गरिएको छ।

यस पर्वमा आफ्नो कुल देवतालाई पुजा गर्ने, आफ्नतहरुलाई पाहुना बोलाई सत्कार गर्ने, जाडरक्सी खाई हर्षउल्लास सहित नाचगान गरि अन्तिम दिन माघे संक्रान्ति को दिन सिकार खेलेर मनाइने प्रचलन छ। सोहराय पर्वको अवसरमा जहदा गाउँपालिका वडा नं. ३, जयरामपुरमा बिबिध सांस्कृतिक एवं नृत्य प्रतियोगिता आयोजना गरिएको हो।

आफ्नो जातीयता पहिचान झल्काउन र संस्कृति जोगाउन उक्त कार्यक्रम आयोजना गरिएको आयोजकले जनाएको छ। कार्यक्रममा जीवन बिकास समाजका संस्थापक अध्यक्ष योगेन्द्र प्रसाद मण्डल, जहदा गाउँपालिका का उपाध्यक्ष शालो साह, समाजसेवी सलीम अन्सारी, जहदा-४ का वडा अध्यक्ष कृष्ण गिरि, तुलसी मण्डल, बिभिन्न क्लबका पढ़ाधिकारी लगायत स्थानीय समाजसेवी बुद्धिजीवीहरुको उपस्तिथी रहेको थियो।

कार्यक्रम संचालन बद्री प्रसाद राजबंशीले गरेका थिए। कार्यक्रममा उत्कृस्ट नृत्य प्रस्तुत गरेकालाई पुरस्कार समेत प्रदान गरिएको थियो।