जहदा गाउँपालिकाको आर्थिक सहयोग तथा जय किसान कृषि सहकारी संस्था लिमिटेड जहदा-१, बुधनगरको सन्युक्त साझेदारीमा दुध चिस्यान केन्द्र स्थापना भई आज उदघाटन पनि भएको छ।

उदघाटन समारोह कार्यक्रमको सभापति जय किसान कृषि सहकारी संस्था लिमिटेडका अध्यक्ष अनिल कुमार यादव, प्रमुख अतिथी जहदा गाउँपालिका अध्यक्ष श्री केलाश प्रसाद मण्डल, विशिष्ट अतिथि उपाध्यक्ष सालो साह, विशिष्ट अतिथी कृषि ज्ञान् केन्द्र मोरङको अधिकृत सुरेश कामत, अतिथी जहदा-१ का अध्यक्ष प्रदिपचन्द यादव, जहदा-३ का अध्यक्ष अनिल कुमार ठाकुर, जहदा-४ का अध्यक्ष जयनरथ गिरि, जहदा पशु शखा अधिकृत रामसेवक यादव , इलाका प्रहरी कार्यालय बुधनगर लगायत को उपस्थिति रहेको थियो ।

जहदा गाउँपालिका को कार्यालय बाट दुध चिस्यान केन्द्र स्थापना गर्नको लागि रु ७ लाख बजेट बिनियोजित गरिएको थियो। विनियोजित ७ लाख तथा जय किसान् कृषि सहकारी संस्थाको तर्फबाट रु ३ लाख गरि जम्मा १० लाख बराबर को सामग्री खरिद गरिएको संस्थाले जनाएको छ। जस्मा १ थान जेनेरेटर, ५०० लिटर को चिलिङ भेट, १ थान स्टपलाइजर, १ थान डि फ्रीज, १० थान केन, ५० थान केरेट लगायत को समानहरु खरिद गरिएको छ ।

जहदा गाउँपालिका को पहिलो दूध चिस्यान केन्द्र भएको हुनाले यो चिस्यान केन्द्रलाइ अगामी दिनमा पनि सहयोग गरिने अध्यक्ष मण्डले प्रदिबद्धता गर्नुभएको छ।