उखरकट्टा– मोरङको जहदा गाउँपालिका वडा न. ५ डुमरियामा आयोजना भएको क्रिकेट टुर्नामेन्ट मा पोखरियाले जित हात पारेको छ। जहदाकै स्थानीय युवा धर्मनिष सिंह र श्याम सिंहले उक्त टुर्नामेन्ट आयोजना गराएका थिए। लक्ष्मीनिया, बैरिया, सिरसिया, पोखरिया, भीमपुर, डुमरिया ,सिक्तिया र आयोजक टिम गरि जम्मा ८ वटा टिमको सहभागी रहेको थियो।

पोखरिया र आयोजक टिम फाइनलमा पुगेको थियो। आज भएको फाइनल खेलमा पोखरियाले जितेको छ।आयोजक टिमले टस जितेर पहिले ब्याटिंग गर्ने निर्णय गर्यो। १५ ओभरको खेलमा आयोजक टिमले ६७ रन बनाउन सफल भयो। पोखरियाले आयोजक टिमलाई अल आउट गरेको थियो। यता पोखरियाले ६८ रनको टार्गेटलाई पन्छ्याउदै आठौ ओभर मा जित हात पारेको थियो। पोखरिया टिम बाट बिशाल मण्डलले ८ विकेट र ८६ रनको साथ म्यान अफ दि सिरिज बनेका थिए।

टुर्नामेन्टको बिजेता पोखरिया टिमलाई नगद रु. ३१००, विकेट ६ पिस,ब्याट, मेडल र कप र उप-बिजेता आयोजक टिमलाई नगद रु. २१००,मेडल र कप प्रदान गरिएको थियो। प्रकाश बचत तथा ऋण सहकारी संस्थाका अध्यक्ष कमलेश यादवको प्रमुख अतिथिमा टुर्नामेन्ट भव्यका साथ सम्पन्न भएको छ।