जहदा – मोरङ को जहदा गाउँपालिका का एक कोरोना संक्रमित पुरूषको बुधबार विहान कोशी अस्पताल कोभिड १९ उपचार केन्द्र विराटनगरमा मृत्यु भएको छ ।
जहदा ६ का अन्दाजी ६० बर्षिय पुरूषको उपचारका क्रममा मृत्य भएको अस्पतालका संयोजक डा.दीपक सिग्देलले बताए । असोज ४ गते संक्रमण देखिएपछि सोही दिन उनलाई कोभिड अस्पतालमा भर्ना गरिएको थियो । अशोज ५ गतेदेखि भेन्टिलेटरमा राखेर उपचार भईरहेकोमा बुधबार विहान ४ वजे मृत्यु भएको डा. सिग्देलले बताए । एक सय १० किलो तौल भएका पुरुषलाई उच्च रक्तचाप, मधुमेह, मोटोपन, र श्वासप्रश्वासमा पनि धेरै समस्या थियो ।रेमडिसिभर औषधि समेत चलाइएको तर सफल हुन् नसकेको डा.सिग्देलले जानकारी दिनुभयो ।